TITORÍA E ORIENTACIÓN EDUCATIVA

Nestas sesións traballouse a atención á diversidade a partir dos principios de normalización e do Deseño Universal para a Aprendizaxe (DUA), dous conceptos fundamentais na educación inclusiva. Na práctica 11.1 realizouse unha reflexión sobre o significado destes principios, comprendendo a importancia de ofrecer unha educación accesible, participativa e adaptada ás necesidades de todo o alumnado sen excluír nin diferenciar. A continuación, profundouse no concepto de DUA mediante distintos recursos e explicacións sobre os seus principios e pautas, analizando como proporcionar diferentes formas de acceso á información, participación e expresión da aprendizaxe. Na práctica 11.2 traballouse de maneira máis aplicada a partir de dúas propostas didácticas dirixidas a Educación Infantil e Educación Primaria. O obxectivo consistiu en “dualizar” esas actividades, empregando unha lista de comprobación para analizar se cumprían cos principios do DUA e propoñer melloras que favorecesen unha maior in...

Ao longo destas sesións traballouse sobre un caso práctico centrado na análise dun centro educativo e no deseño dun plan de mellora con enfoque inclusivo. Nun primeiro momento realizouse unha lectura detallada do caso para comprender a situación do centro e posteriormente elaborouse unha análise DAFO, identificando fortalezas, debilidades, oportunidades e ameazas. Máis adiante revisouse ese DAFO para seleccionar aqueles aspectos que podían influír positiva ou negativamente na proposta de mellora, en función do tema escollido para as caixas de aprendizaxe, como convivencia, atención á diversidade, titoría, profesorado ou alumnado estranxeiro. A continuación desenvolveuse o traballo das caixas de aprendizaxe por fases. Primeiro realizáronse infografías sobre as funcións do titor ou titora en cada ámbito e definiuse o enfoque inclusivo prioritario, os obxectivos xerais e as liñas de acción da proposta. Nas seguintes sesións desenvolvéronse tarefas concretas, procesos de avaliación e dinám...

Ao longo destas prácticas traballouse a normativa fundamental relacionada coa atención á diversidade e a orientación educativa en Galicia, centrándose especialmente na Orde do 8 de setembro de 2021 e no Decreto 120/1998 . Cada grupo encargouse de analizar unha parte concreta destas normas para coñecer os seus aspectos máis importantes e comprender mellor o funcionamento da orientación educativa e das medidas de atención á diversidade nos centros. A partir desta análise realizáronse dúas prácticas. Na primeira elaborouse unha infografía na que se resumían os artigos máis relevantes da normativa de maneira clara e organizada, empregando títulos, esquemas e elementos visuais que facilitasen a comprensión da información. Posteriormente, na segunda práctica, cada grupo preparou un vídeo explicativo no que se presentaban de forma dinámica e resumida os contidos traballados, fomentando así a capacidade de síntese, a comunicación oral e o traballo cooperativo. Na miña opinión, estas prácticas...

Ao longo destas sesións traballouse arredor da personalización da educación, a diversidade e a inclusión educativa, reflexionando sobre a importancia de adaptar o ensino ás necesidades e capacidades de cada alumno e alumna. Realizáronse diferentes dinámicas e actividades relacionadas coa titoría, como a creación de equipos de traballo, a identificación de talentos e a análise de cuestionarios sobre intelixencias múltiples, estilos de aprendizaxe e habilidades sociais. A partir da lectura A rebelión do talento e do visionado de The Butterfly Circus , tamén se promoveron debates e reflexións sobre a escola inclusiva, a diversidade como fonte de enriquecemento e o papel da orientación educativa. Ademais, elaboráronse propostas de actividades adaptadas ás Intelixencias Múltiples de Howard Gardner, relacionándoas coas Competencias Clave e cos principios do DUA. Na miña opinión, estas prácticas resultaron moi interesantes e útiles porque permitiron comprender que cada persoa aprende dun xei...